DONGENG

SASAKALA GUNUNG GEULIS*

Kacaritakeun jaman baheula aya salaki pamajikan nu geus lila ngawangun rumah tangga, tapi tacan diparengkeun boga anak. Salakina kacida pisan hayangeun boga anak. Manèhna getèn neneda ka Nu Kawasa sangkan gancang diparengkeun boga anak.

Kocapkeun dina hiji peuting, salakina tèh meunang wangsit, yèn manèhna kudu ngajugjug hiji tempat nu pernahna aya di beulah wètaneun lembur nu dicicingan ku maranèhanana. Nu jadi salakina kudu ngajugjug hiji gunung kalayan kudu tapa di èta gunung. Isukna manèhna nepikeun impianana ka nu jadi pamajikanana. Pamajikanan ngajurung sangkan salakina nedunan panuduh nu datang dina impianana. Tuluy waè nu jadi salakina indit ngalalana ngajugjug hiji gunung pikeun tapa neda ka Nu Kawasa.

Sanggeus manggihan gunung nu dimaksud luyu jeung panuduh dina impian, manèhna der waè tapa salila opat puluh poè opat puluh peuting. Dina maleman peuting panganggeusan, manènha didatangan ku hiji putri anu geulis kawanti-wanti, èndah kabina-bina. Éta tèh putri anu ngageugeuh gunung nu keur ditapaan ku manèhna. Nempo putri anu kacida geulisna, manèhna lat poho kana maksud anu saèstuna. Tug manèhna nepi kadaèk ngawin èta putri. Padahal èta putri teh oray kajajadèn.

Sanggeus mangbulan-bulan salakina indit, pamajikanana mapay-mapay nèangan nu jadi salakina. Tungtungna manèhna manggihan salakina keur dibeulit ku oray anu kajida badagna. Pamajikanana kacida pisan reuwaseunana, pamajikanana ngarasa melang ka nu jadi salaki, sieun salakina dilegleg oray. Bakat ku nyaah ka salakina, pamajikanan satèkah polah nèangan akal pikeun maèhan èta oray. Brèh, kacipta piakaleunana, nyaèta ngeurad èta oray. Teu kungsi lila oray tèh beunang kaeurad. Kusabab èta oray kacida gedèna, oray tèh digusur ku kuda, dibawa turun ti luhur gunung. Sanggeus tepi ka hiji tempat, kuda tèh dicangcang dina hiji tangkal. Kiwari tempat nyangcang èta kuda tèh, katelah lembur Cikuda.

Barang kasampak èta oray rèk dipaèhan ku pamajikanana, salakina geuwat ngahalangan sangkan pamajikanana tong maèhan èta oray, sabab tetempoan salakina mah, èta oray tèh putri anu kacida geulisna. Pamajikanana kacida pisan ambekna. Kusabab keuheul, èta oray dipaèhan kaasup salakina nu geus teu inget deui ka pamajikanana.

Heuleut saminggu ti harita, bangkè oray jeung layon salakina ngiles taya raratanana. Ceuk carita mah ngajadi oray, nu tuluyna nyicingan èta gunung, nu kiwari katelah gunung geulis nu pernahna di Jatinangor Kabupaten Sumedang.

LEGENDA GUNUNG GEULIS

Dikisahkan pada zaman dahulu kala ada sepasang suami istri yang telah lama hidup berumah tangga, namun belum dikaruniai seorang anak pun. Suaminya sangat ingin memiliki anak. Ia sangat rajin memohon kepada Yang Maha Kuasa agar lekas dikaruniai anak.

Tersebutlah pada suatu malam, suaminya mendapatkan petunjuk melalui sebuah mimpi, bahwa ia harus menuju suatu tempat yang berada di sebelah timur kampung mereka. Ia harus mendatangi sebuah gunung dan harus bertapa di gunung tersebut. Pada pagi harinya, ia menceritakan mimpinya itu kepada istrinya. Istrinya mengizinkan suaminya untuk segera melaksanakan petunjuk yang datang melalui mimpi. Kemudian suaminya pergi mengembara mencari gunung yang akan dijadikan sebagai tempat untuk bertapa, memohon kepada Yang Maha Kuasa.

Setelah menemukan gunung yang dimaksud, sesuai dengan petunjuk dalam mimpinya, ia mulai bertapa yang harus dijalaninya selama empat puluh hari empat puluh malam. Pada malam terakhir, ia didatangi oleh seorang putri yang sangat cantik jelita. Putri itu merupakan makhluk penunggu gunung tersebut. Melihat putri yang sangat cantik jelita, ia jatuh hati kepada putri itu dan lupa akan niatnya semula. Akhirnya, ia menikah dengan putri itu, yang sebenarnya putri itu merupakan perwujudan seekor ular.

Setelah berbulan-bulan suaminya pergi, istrinya mencari di mana suaminya berada. Ia menemukan suaminya sedang dililit seekor ular besar. Ia merasa terkejut dan takut akan keselamatan suaminya. Karena merasa sayang pada suaminya, maka istrinya mencari cara untuk menyelamatkan suaminya. Ia mendapatkan cara untuk menangkap ular, yaitu dengan cara menjirat ular tersebut. Tidak lama kemudian, ular dapat dijirat. Karena besarnya ular tersebut, maka ular itu ditarik dengan kuda, di bawa turun dari atas gunung. Setelah tiba di suatu tempat, kuda tersebut diikat pada sebatang pohon. Tempat itu, sekarang dikenal dengan nama Cikuda.

Ketika dilihatnya ular itu akan dibunuh oleh istrinya, dengan sigap suaminya menghalangi perbuatan istrinya, sebab yang dilihatnya bukan seekor ular, melainkan seorang putri yang cantik jelita. Karena kesal, ular itu dibunuh berikut suaminya yang telah melupakan dia sebagai istrinya.

Seminggu kemudian, bangkai ular dan jasad suaminya hilang tanpa bekas. Menurut cerita jasad suaminya beruba wujud menjadi ular, kemudian hidup di gunung tersebut. Gunung itu dikenal dengan nama Gunung Geulis, sebuah gunung yang ada di daerah Jatinangor Kabupaten Sumedang.

* Diceritakan kembali oleh Taufik Ampera